- Los mayores de la residencia del ERA y los alumnos del IES Astures participaron en un encuentro intergeneracional
- Los alumnos de intercambio del centro Henfling Gymnasium con el IES Juan de Villanueva realizaron una plantación de robles
- El Berrón celebra la 3ª Feria-Mercado de Quesos Asturianos, Artesanía y Sidra los días 27 y 28 de abril
- Los días 1, 3 y 4 de mayo se celebrará el II Torneo de Baloncesto concejo de Llanera
- Los vecinos de la barriada de Pumarabule denuncian que no pueden optar a las nuevas viviendas
ASTURIAS
Home de la Boina
Un añu llevamos ya
col cuentu de la pandemia,
sin solución de momentu
nin remediu que se vea.
¿Nun ye verdá que paez
que pasó una vida entera?
Del tiempu que disfrutamos
casi ya nengún se acuerda:
de pasiar si te apetez,
de llevar la cara fuera,
de nun tar chando a les manes
grasa por una manguera
como si fuesen tornillos.
Estes coses tienen tela
y pa contentar la xente
por si acasu se rebela
afloxen de cuando en cuando
pa que salgamos pa fuera,
vuelven a crecer los muertos
a causa de la epidemia
y vuelta al cierre de nuevu
porque nadie que lo remedia.
Cuando empezaron los muertos
la xente diba a la tienda
y en cuatro díes terminaron
col papel pa la culera,
cola fariña que había
y los guantes que tuvieran.
Si daquién tien que morrer
que nun lu coma la mierda
y si se va pasar fame
y falta el pan de la tienda
habiendo fariña en casa
nun faltará una pamesta.
Depués empezamos toos
a salir cola careta,
y termináronse entós
les mascarilles que hubiera:
la xente empezó a faceles
con retales, cola tela
que se topaba por casa
en algún rincón cualquiera
hasta que China mandase
al preciu que ella quisiera
algunos cientos de miles
pala xente que tuviera
enchufe coles farmacies,
que mos tasaben la entrega.
Si pensáis que la vacuna
va venir y lo remedia
voi cuntavos lo que diz
el virus de la pandemia:
-“Mira-y bien pa lo que digo:
Por un pinchazu de ná
con una aguya clavá
nun vais terminar conmigo.”