- El pleno rechazó la moción del PP sobre la reposición de contenedores en Pruvia
- La Junta Electoral de ASEAVA hace un llamamiento a la cordura en aras a permitir que los socios decidan sobre el futuro de la Asociación
- La Urbanización La Fresneda celebra la II Carrera Solidaria FRESRUN el 12 de mayo
- Gran participación del Triatlón Lugones en los Campeonatos de España
- El Principado impulsa un proyecto de digitalización del ciclo del agua para el eje Nora-Noreña, que beneficiará a cerca de 300.000 personas
ASTURIAS
Home de la Boina
Un añu llevamos ya
col cuentu de la pandemia,
sin solución de momentu
nin remediu que se vea.
¿Nun ye verdá que paez
que pasó una vida entera?
Del tiempu que disfrutamos
casi ya nengún se acuerda:
de pasiar si te apetez,
de llevar la cara fuera,
de nun tar chando a les manes
grasa por una manguera
como si fuesen tornillos.
Estes coses tienen tela
y pa contentar la xente
por si acasu se rebela
afloxen de cuando en cuando
pa que salgamos pa fuera,
vuelven a crecer los muertos
a causa de la epidemia
y vuelta al cierre de nuevu
porque nadie que lo remedia.
Cuando empezaron los muertos
la xente diba a la tienda
y en cuatro díes terminaron
col papel pa la culera,
cola fariña que había
y los guantes que tuvieran.
Si daquién tien que morrer
que nun lu coma la mierda
y si se va pasar fame
y falta el pan de la tienda
habiendo fariña en casa
nun faltará una pamesta.
Depués empezamos toos
a salir cola careta,
y termináronse entós
les mascarilles que hubiera:
la xente empezó a faceles
con retales, cola tela
que se topaba por casa
en algún rincón cualquiera
hasta que China mandase
al preciu que ella quisiera
algunos cientos de miles
pala xente que tuviera
enchufe coles farmacies,
que mos tasaben la entrega.
Si pensáis que la vacuna
va venir y lo remedia
voi cuntavos lo que diz
el virus de la pandemia:
-“Mira-y bien pa lo que digo:
Por un pinchazu de ná
con una aguya clavá
nun vais terminar conmigo.”