- El pleno rechazó la moción del PP sobre la reposición de dos contenedores en Pruvia
- La Junta Electoral de ASEAVA hace un llamamiento a la cordura en aras a permitir que los socios decidan sobre el futuro de la Asociación
- La Urbanización La Fresneda celebra la II Carrera Solidaria FRESRUN el 12 de mayo
- Gran participación del Triatlón Lugones en los Campeonatos de España
- El Principado impulsa un proyecto de digitalización del ciclo del agua para el eje Nora-Noreña, que beneficiará a cerca de 300.000 personas
ASTURIAS
El Home de la Boina " La culpa ye de les vaques "
Fai años que estos que estudien
el clima nos tan diciendo
que ta calentando el mundu
y pa enfríalu tenemos
que dir dexando les vaques
ena mitá polo menos.
Tan chando fumo pa arriba
les fabriques, les centrales,
barcos, aviones, camiones,
y tan les calefacciones
afumando les ciudaes,
pero la principal culpa
paez que la tienen les vaques.
Nun tienen culpa los lujos,
los gastos en disparates,
cruceros sin ton ni son
agobiando tolos mares,
viaxes de turismo, aviones
que crucen y dexen rayes
por tol cielu dibuxaes:
ni importa que chimenees
como montañes de altes
dexen el aire más puercu
que el tiznu de les castañes.
Nun vos preocupéis por eso:
la culpa ye de les vaques.
Tien poco ver col problema
que la xente té nes cases
vistíos de camiseta
con un calor que te ases
por tar la calefacción
reventando coles brases.
Eso nun tien importancia:
la culpa ye de les vaques.
Ni tien tampoco qué ver
el que pa nun fatigase,
garra p adir a la esquina
como si llegase tarde,
el coche que ta paráu
en un rincón del garaje,
ni autobuses que circulen
sin llevar a casi nadie,
solo por cumplir horariu
y que los impuestos paguen.
Eso nun tien importancia:
la culpa ye de les vaques.
¡ Probes vaquines que tan
paciendo despreocupaes,
na más que rumiando yerba,
sin saber que tan fichaes
y de lo que cambie el clima
declaráronles culpables!