- Incendio en un garaje en la Avenida Prudencio González, en Posada de Llanera
- Las fiestas de La Pola optan por la inclusión
- Siero ofrece un taller gratuito de iniciación en DJing para niños y adolescentes
- El PP propone denunciar al Principado ante la UE por las infracciones que supone la no ejecución de la Variante de Cayés
- Arqueros del Xabalín consigue nueve pódiums en la Liga asturiana de Bosque 3D
ASTURIAS
El Home de la Boina
De magar que los del tiempu
ponen nome a les tormentes
tamos recibiendo abondu
y hasta perdemos les cuentes
del agua que ta cayendo,
de lo que dura la nieve,
de derrabes polos puertos,
de charcos poles cunetes,
del airón polos teyaos,
de regatos poles tierres
y de desgracies y daños
que se resuelven en penes.
Cuanto tábamos cuntando
los daños de Filomena
vino con fuerza a soplamos
y pa mollamos Hortensia,
depues Inacio, Xustina,
y pa continuar la cuenta
falten Karin, Lola, Nadia,
que dexen praos y tierra
con agua pa criar coríos
pero estropiaos pa la siembra.
¡La culpa ye polos nomes!:
Viendo que-yos facen casu
y que tan bautizaes
azótenmos sin descansu.
Vienen toes enfotaes
en que nun damos abastu
ni en desatascar cunetes,
ni en apartar tantu barru,
ni en llimpiar de rames rotes
pa dexar abiertu el pasu,
ni en dir semando la tierra
ni tener vaques en prau.
Así que basta de nomes:
cuando pase el temporal
olvidámoslu pa siempre,
nun se-y ocurra llamar
por tener bautizáu
al fíu que vien detrás.